اقــنعه للبشره

«˚۾ﮩﺸﮩږﻔﮥ ٱﻠﮩۈﻨﮩٱﺳﮩﮥ˚»

كيفكم اخواتي الغاليات ..
اليوم جايبتلكم أقنعة عجيبة للبشرة بعد ماتنظفين وجهك بالمنظف الخاص فيك تستخدمين اللي يعجبك منها وفائدة تعطيك تبيض وتوريد للبشرة وأشراقة غير طبيعية أتمنى تستفيدون منها ...

&القناع الأول لنضارة البشرة وتبيضها..&

مميز عندي وهو قناع القشطة للنضارة الفورية هذا يخلي الوجه التعبان كله حيوية ونضارة في دقايق وينفع قبل المناسبات ((تشترين قشطة التاج ))أذا تعرفونها هذي أحسن نوع بالنسبة ليه وممكن تبدلينها بنوع ثاني وتعملينها قناع على الوجه وتخلينه ألين ينشف على وجهك تماما وبعدها غسليه فقط بالماء لاتستخدمين الصابون وشوفي النضارة الفورية رايح يكون وجهك زي البيبي بالبياض والنضارة والنعومة جربيه وتعالي علميني بالنتيجة العجيبة ..

&..القناع الثاني للنضارة والتوريد..&

قناع ((الطحينة +المره ))تطحنين قطعة من المره وتخلطينها بقليل طحينة وتفردينها على الوجه وتخلينها على وجهك ربع ساعة وتغسلينها مع المداومة تصفي الوجه وتورده وتعطيه نضارة..

&..القناع الثالث لتوريد البشرة وشدها..&

قناع(( بياض بيضة + ملعقة حلبة مطحونة زي البودرة ))هذا القناع مشهور من وصفات الجمال يبيض الوجه ويشده تخلينه ألين ينشف شويه وبعدين غسليه ..

&..القناع الرابع لنضارة وأشراق الوجه..&

قناع (ملعقة حلبة +ملعقتين قشطة )تخلط مع بعض وتدهن على الوجه حتى ينشف القناع ونغسله فقط بالماء وبعدين ندهن الوجه بموية ورد لتسكير المسام وأنعاش البشرة..

&..القناع الخامس لشد بشرة الوجه ..&

ربع كوب قشطة +موزة مقشرة+كبسولة فيتامين أي أهرسي المكونات مع بعض بعدين أعمليها قناع على الوجه والرقبة لمدة 10 دقايق بعدين أمسحيها..

&..القناع السادس لأزالة التجاعيد ..&

أخلطي حلبة مطحونة +خميرة فورية+لبن زبادي كميات متساوية بحيث تحصلين على قناع متماسك خليه على وجهك ساعة وغسليه وكثريه على منطقة تحت العين والتجاعد لوسويتيه كل يوم صدقيني بتلقين نتائج رائعة ..

&..القناع السابع لأزالة الرؤؤس السوداء وتصفية الوجه وتبيضه..&

وهذي وصفة مغربية لأزالة الرؤؤس السوداء جربتها وعجبتني كثيييييير أخذتها من النت زمان والله جدا ممتازة تخلي الوجه زي المرايه..وهي تجيبين قطعة جبنة كيري وتهرسينها مع قليل موية ورد وتخلينها ألين تنشف على وجهك بعدين تعرضين وجهك لبخار ماء فيه قليل قطرات من الليمون ورق نعناع وبابونج أو أي شي منهذي الأشياء المهم تعرضين وجهك لبخار الماء المتصاعد وتحطين فوق راسك فوطة علشان تستفيدين من البخارلمدة ربع ساعه بعدين أمسح وجهك وخذي زيت اللوز الحلوو أو الجلسرين السائل وأدهني وجهك مع مساج للوجه بعدها جيبي كلينكس ومسحي وجهك مظبوط بالكلينكس وخصوصا أماكن الرؤؤس السووداء وبعدين أمسحي وجهك بأسكينول الليمون علشان تعقم المسام وتنظف الوجه وتبيضه وبعدها حطي أي قناع لتسكير المسام شوفي النتايج الحلوووه بعدين ..هذي القناع لأزالة الرؤؤس السوداء تعملينه مره بالأسبوع مع المحافظة على عملية تنظيف الوجه يوميا علشان ماترجع الرؤؤس السوداء مره ثانية..

&..القناع الثامن لتوريد البشرة..&

أنا عملته وعجبتني نتايجه (تاخذين لب البندوره يعني اللب الموجود داخل الطماطم )تطحنينه وتدهنين به وجهك وتخلينه 5 دقايق وتغسلينه وشوفي وجهك كيف بيصير مورد من أول مره..

&..القناع التاسع لتبيض وتصفية الوجه ..&

وهو (مره +حلبة +خميرة فورية)طبعا نغلي ملعقتين حلبة في نص كاسه مويه ألين تجي تقريبا نص فنجان ونخليها تبرد شويه ونضيف لها قطعة من المره وملعقة خميرة فورية نقلبها ونخليها زي المرهم وبعدين نعمل بها ماسك على الخدود ألين تنشف هذا الماسك ينفخ الخدود ويوردها ويبيضها وتخلينه على البشرة ألين ينشف وأبتعدي عن الأنف علشان ماينتفخ فقط على الخدود والأماكن اللي تبينها تنتفخ فقط..

&..القناع العاشر لنضارة وتبيض الوجه..&

هذا القناع عبارة عن (ملعقة حليب نيدو بودرة +ملعقتين عصير برتقال أو ملعقتين حليب أبوقوس )هذا يبيض ويعطي نضارة للوجه....

Image Hosted by منتديات شباب وبنات السعوديه

الموضوع الأصلي : اقــنعه للبشره المصدر : منتديات شباب وبنات السعوديه الكاتب: دنيـــازاد

التوقيع

دنيـــازاد

«˚ξﮩﻀﮩۈ ﭶﮩﮃﭘﮩﮃ˚»

يسلموووو دنيا

اقنعه سهله ان شاء الله نجربها

مودتي

الموضوع الأصلي : اقــنعه للبشره المصدر : منتديات شباب وبنات السعوديه الكاتب: حلا جده

التوقيع

حلا جده

«˚۾ﮩﺸﮩږﻔﮥ ٱﻠﮩۈﻨﮩٱﺳﮩﮥ˚»

الله يسلمك نورتي متصفحي
دمتي بودي

الموضوع الأصلي : اقــنعه للبشره المصدر : منتديات شباب وبنات السعوديه الكاتب: دنيـــازاد

التوقيع

دنيـــازاد

«˚ξﮩﻀﮩۈ ﭶﮩﮃﭘﮩﮃ˚»

يسلمووووووووووووووو تقبلي مروري والله بيني النوم

الموضوع الأصلي : اقــنعه للبشره المصدر : منتديات شباب وبنات السعوديه الكاتب: زمورده

التوقيع

زمورده

«˚۾ﮩﺸﮩږﻔﮥ ٱﻠﮩۈﻨﮩٱﺳﮩﮥ˚»

نورتي متصفحي بمرورك
دمتي بودي

الموضوع الأصلي : اقــنعه للبشره المصدر : منتديات شباب وبنات السعوديه الكاتب: دنيـــازاد

التوقيع

دنيـــازاد