[تري المراجل ماهي لبسة شماغ وعقـال ]

«˚ξﮩﻀﮩۈ ﭶﮩﮃﭘﮩﮃ˚»

إذا المراجل لبسة شماغ وعقال قل للعذارى يلبسنّ العمايم

ما عاد يفرق زول حرمه ورجال دام الفعايل تشبه البعض دايم

المرجـله مــا هيب كلمـه وتنقال وتروح ما راحت هبوب النسايم

وإلا خشونة صوت أو رفع الأثقال أو رزة صدور وفعل الزلايم

ولا هي بعد مفتــاح موتر وجوال وإلا ردى لسانن حديثه شتايم

المرجله شيمه عن القيل والقال رفيع نفس (ن) حر بالجو حايم

المــرجلــه عقلٍ وزن وزنه جبال ودون العقل وش فرقنا والبهايم

يا مسندي لو مايل الوقت بي مال يا ولد أبويه يا عظيم العزايم

يا معرب الجدين من العم والخال يا نخوة المفزوع وقت الهزايم

المرجله يا خوي هي طولة البال هي العزم هي الصبر فالظلايم

فيهـا الكـرم عـزه دلـه وفنجــال فيها الكرامه عن ردى الطبع شايم

والدين لامنه خذا القلب منزال مشى طريق الحق وابليس نايم

ومن لا عرف ربه في طيب الحال لابد وقت الضيق بالهم هايم

حتى صلاتك مع جماعات ورجال في خيرها يا خوي نعم الغنايم

ولامن نصف ليلك قم صفي البال يا عظم أجرك بين ساجد وقايم

ولا من رفع ربي له كل الأعمال حسن الذكر لا قالو فلان صايم

وخلك شريف القصد يا طيب الفال سوء المقاصد فالبيوت الهدايم

واحذر تبيع النفس في دب الأنذال وتتبع خوي إبليس راع النمايم

النفس خيل لك إذا كنت خيّال ومن لا قوى نفسه قوته الهزايم

ولا صرت ما تدري لو يش أنت رجال والله خسارة فيك ذبح التمايم

وسلامتكم جميعاااا،،،،

Image Hosted by منتديات شباب وبنات السعوديه

الموضوع الأصلي : [تري المراجل ماهي لبسة شماغ وعقـال ] المصدر : منتديات شباب وبنات السعوديه الكاتب: غلا قطر

التوقيع

غلا قطر